காதல்

காதல் ......

வார்த்தை ஒன்று
அர்த்தங்கள் பல ...


கவிதைகள் உலகம் ..smdsafa..

தனிமைப்படாதே

தவறுகளின் நடமாட்டம்,
தனிமைகளின் உருவேற்றம்,
தாகம் வளர்த்தவனை,
துரோகியாக்கும் உதாசீனம் !
தோற்றுப்போன நிமிஷம் தோன்றும்,
துடிக்கும் வல்லூறுகள் உனக்குள் !
ஓடிச்சென்று அமர்ந்துகொள் நண்பர் குழுவுக்குள் !
தனித்து மருதளிக்காதே அந்நேரம் !
உன் எண்ணங்கள் உருவெடுக்கக்கூடும்,
துளைக்கும் துப்பாக்கி ரவையாய் !
பின் அழிக்கக்கூடும் உன் ஆன்மாவை பழியால் !!


கவிதைகள் உலகம் ..smdsafa..

வெகுளி

வெளிப்படையாய் மறுத்து வெகுளியாய் நடித்து,
நீ எனை தூரவீசிப்போனது அனைவர்க்கும் தெரியும் !
அதையே காரணமாகக்கொண்டு,
என் காதலைக்கலைத்துவிடுவேன்,
என்று நினைத்தது உன் முட்டாள்தனம் !
பழகிய எனக்கு தெரியாதா உன் புத்தியின் நர்த்தனம்?
நானும் விலகினேன் உன் விலகலின் அடிதொட்டு !
காரணம் நாம் கண்ணிமைகளுக்குள் காத்துவளர்த்த காதல் !
அதுவே கழுத்தை நெரிக்காமல் கயமை பொருத்தாமல்,
சுதந்திரமாய் பறக்கவிடச்சொன்னது உனை எனைவிட்டு !!


கவிதைகள் உலகம் ..smdsafa..

வறட்சி

வறண்ட நிலத்தின் வெடிப்புகள்,
தண்ணீர்கேட்டு தவம்கிடந்தது வானம்பார்த்து !
மழை வருமோ இல்லையோ ?
மனம் அழுதது அந்த அவலநிலம் பார்த்து !
எங்கோ எனக்குள் ஒரு ஜீவன் கெஞ்சிக்கூத்தாடியது !
ஆண்டவனே இறையே பிதாவே !
வறட்சிமட்டும் வேண்டாமே நாங்கள் வாழும் உலகுக்கு !
வெந்து சிதைகிறது எமை சுமக்கும் அன்னைமடி !!


கவிதைகள் உலகம் ..smdsafa..

சலனம்

தடுமாறியபோது உருமாறிய நிஜங்கள்,
நெஞ்சைவிட்டு நகர்ந்துகொண்டிருந்ததை,
கண்கூடாய் கானாதுபோனாலும்,
உள்ளூர உணரமுடிந்தது என்னால் !
அங்கே !
அப்பழுக்கில்லாத மனம் உன் ஒருத்திக்காக,
அரிதாரம் பூசத்துவங்கியிருந்தது !
ஐயகோ !
காதல் வந்துவிட்டது போலும் எனக்கு !!


கவிதைகள் உலகம் ..smdsafa..